عطني سبب واحد يخليني اتفاءل ؟؟

كانوو من حولي يسولفوون ويضحكون..
..

وكنت سرحاان..وأصواتهم مثل الباكقراوند..

.

playback sound..

.

محبط بشكل كلّـــــــــــي..أحـــاتي حالة الديرة..
.
مستقبلي..مستقبل عيالي..مستقبل هذه الديرة الطيبه.. اللي ماقصرت معانا من يوم كنّا صغار..وبأحلك الظروف كانت كريمة معانا..
..
انتبه لي بو جراح..ابو التفاااااؤل.. وقالي إشفيك ؟؟ سرحان ؟؟ عسى ماشر؟

.. قلتله مـــــــــُـــــــــــــــحــــْــــــــــــــــبـــــَــــــــــــــــــــطـْ .. نعم محبط
..
قالي بشنو محبط ؟؟
.
.
قلتله بالحال اللي وصلتله ديرتناا من تردي الأوضاع..

شلل كلي بإدارات ومؤسسات الدولة

واسطات وتجاوزات وتعديات على القانون

تخبط في الخطط التنموية

فشل كبير في تطبيق هذه الخطط الفاشلة

يعني فشل في تطبيق حتى الفشل

سرقات وتجاوزات على املاك الدولة عيني عينك

خاااااايف على اللحمة الوطنية

خاااايف على الكويت..


رد علي بكل برود..لا تحبط تفاءل .. !!

قلتله تكفى عطني شي واحد يخليني اتفاءل ؟! بس شي واحد ؟؟

كل المؤشرات تؤدي إلى الإحبــــــــــاط..

وأخطر شي شعور المواطن بالإحباط يابوجراح..

الإحباط يؤدي إلى عدم الإيمان بإستمرارية الدولة..يؤدي إلى جلطه..جلطة في الشريان الأورطي..

قالي بكل بساطة..

تــــفاءل بأهل الديــــرة الطيـــبــــيـــن...

يااااااااااااه يابو جراح كلمتك والله في بالي من ذاك اليوم..

إلى الليلة اللي طافت..

أتاني طيف من الأطياف التعيسة..شبح مو طيف..

سألني سؤال وخلّاني أحتار..

قالي..واذا أهل الديره مافيهم خير؟؟


وتركني ومشى..

وانا إلى الآن محتار..ومحبط..

ابي اتفااااءل تكفووون..

ابي اقتنع بالتفاءل..مو مجرد شعور بالتفاءل..

وآسف يابوجراح اذا سؤالي قتل التفاءل فيك..لكن هذا الواقع المرير للأسف..